Pribatutasun Politika

Pribatutasun Politika

[2018/05/24an eguneratua]

 

Zure identitatea eta pribatutasuna niretzat oso garrantzitsuak dira. Horrexegatik, webgune honetan Legeak dioena bete nahi dut zure pribatutasunaren eta zure datu guztiekin egingo den erabileraren inguruko bermeak eskaintzeko. Mesedez, har ezazu irakurtzeko tartetxo bat.

 

Lehendabizi zure datuak zureak direla azpimarratu nahi dut, eta edozein unetan nigana jo dezakezu webgune honi dagozkionak aldatu edo ezabatuak izan daitezen, edo datuen inguruan behar duzun hori burutu dadin.

 

Erabilera baldintza hauek eta pribatutasun politika hau, webgunen honen bidez jasotako datuentzat soilik dira aplikagarriak. Beste webgune batzuetako arduradunek beste espazio batzuetan bildutako datuentzat ez dira aplikagarriak, ezta webgune horien erreferntziak www.denda.sabeletikmundura.eus webgunean badaude ere.

 

Hau zuk jakitea garrantzitsua da:

 

www.denda.sabeletikmundura.eus webgunea honako araudien baldintzetara egokitua dago: Espainiar Estatuko abenduak 13ko 15/1999 Lege Organikora, eta Datu Pertsonalen Babeserako Legera (Ley Orgánica de Protección de Datos- LOPD), eta abenduak 21eko 1720/2007 Erret Dekretura, LOPDren Garapenerako Araudia (Reglamento de desarrollo de la LOPD) bezala ezagutua denera. Era berean, Europako 2016/679 Araudia, GDPR eta LSSI betetzen ditu.

 

Zure datuen erabilera egokiaren arduradun naizen aldetik, gutxienekoa da zuk nire datuen berri izatea www.denda.sabeletikmundura.eus webguneko arduradun gisa, ezta?

 

Nahia Alkorta Elezgarai naiz.
IFK/NIF: ES72495273D

Helbide soziala: Kale nagusia 1-2B. Irura. 20271 Gipuzkoa.

Nire emaila: denda@sabeletikmundura.eus

Sabeletik Mundura marka komertzial erregistratua da Oficina Española de Patentes y Marcas deritzonean N0313903(4) zenbakiarekin.

 

Zer egiten dut zure datuekin?

 

Kontaktu galdetegien bitartez ematen didazun informazioa egindako galdera eta zalantzak erantzuteko erabiliko dut. Horretaz gain, nire produktu edo zerbitzuren bat eskuratzen baduzu, merkataritza harreman seguru bat izateko ere bai. Zure datuak online galdetegien bidez jasotzen ditut. Normalean honako datuak izango dira: izena, abizenak, telefonoa eta/edo posta elektronikorako helbidea. Nire produktu edo zerbitzuren bat erosi edo kontratatzen duzunean posible da nik datu gehiago eskatzea bidalketarako datuak, fakturarako datuak zein finantzia-jarduerak burutzeko.

 

Beraz, laburbilduz, zure datuak erabiliko ditut honakoetarako:

  • Webgunean dauden galdetegien bidez bidaltzen didazun informazioaren arabera jokatzeko.
  • Merkataritza jarduera gertukoa eta konfidantza eta segurtasunezkoa izan dezagun.
  • Erabilera baldintzak eta Legeak dioena betetzeko. Honek webguneak biltzen dituen datu pertsonalen konfidentzialtasuna ziurtatzeko beharrezkoak izan daitezken tresna eta algoritmoen garapena barne izan dezake.

 

Webgune honek ez du, inolaz ere bere erabiltzaileen datu pertsonalik hirugarren pertsonen esku utziko aurrez erabiltzaileei informazioa eskaini eta beraien baimen esplizitua izan gabe.

 

Ez da beharrezkoa zure inolako datu pertsonalik ematea webgune honetan nabigatzeko, espero dut bertan maitasunez eskaintzen den informazioa baliagarria izatea zuretzat.

 

Zure datuen tratamendurako legitimazioa.

 

Zure datuen tratamendurako legezko oinarria da ONESPENA.

 

Agerikoa dirudien arren, niretzat zuk jakitea garrantzitsua da. Webgune honen galdetegien bidez harremana izateko edo iruzkinak bertan egiteko beharrezkoa da pribatutasun politikaren onespen esplizitua, onespen hori gabe webguneak ez du zure daturik biltzen ez eta ezer publikatzen ere.

 

Zure datuak norbaiti ematen dizkiot?

 

Lege oharrean azaltzen den bezala, eta irakurri ez baduzu irakurtzera gonbidatu nahi zaitut, internet bezalako mundu globalizatuan, webgune hau sortzeko prozesuan hirugarren pertsona edo enpresen software desberdinak erabili ditut zerbitzu hobea eskaintzeko asmoarekin. Horregatik, jakin behar duzu www.denda.sabeletikmundura.eus -ek harremana duela honakoekin: WordPress.org, WooCommerce, ContactForm7, Mailchimp eta Google Drive

 

Hala ere, ez dago datu pribatuen lagatzerik haiekin eta harremana beti izango da anonimoa, eskaintzen dituzten zerbitzuak erabil ditzazun soilik dugu harremana haiekin.

 

Aurrez aipatu ditudanez gain, Zabaleku Informatika hosting zerbitzuarekin egiten dut lan, era berean, ez dago nik jasotako datuen inguruko lagapenik elkarren artean.

 

Zure datuak, hauen erabilera eta zure eskubideak

 

Zure datuak dira, eta hortaz, datuen informazio osoa izateko eskubidea duzu. Zein datu ditugun kontsulta dezakezu, hauen zuzenketa edo eguneratzea eska dezakezu jasotzeko arrazoia amaituta badago. Edozein unetan eska dezakezu informazio guztia eta gustura emango dizut.

 

Eta noski, jakin behar duzu, eskatuz gero zure datuak tratatzeari utziko diodala, baldin eta erreklamazio posibleen defentsa edo ezinbesteko arrazoi legitimorik tarteko ez badago.

Eskubide hauek honako helbidera idatziz exekutatu ditzakezu: denda@sabeletikmundura.eus

 

Nola jasotzen ditut zure datuak?

 

Beti, zure onespenarekin jasotzen ditut eta garrantzitsua da jakin dezazun. Onespen hau zuk ematen duzu galdetegietan, iruzkinen bate egitean edo zerbitzu edo produktu bat erosten duzunean. Berriro, mila esker, www.denda.sabeletikmundura.eus posible da zure konfidantzari esker.

 

KOMUNIKAZIO KOMERTZIALA

 

LSSICE -ren arabera, ez dizut SPAMik egingo. Ez dizut mezu komertzialik bidaliko ez badidazu horretarako onespenik eman.

 

Datuen egiazkotasuna

 

Nik zurekiko betebeharrak ditudan gisan, zuk ere bide desberdinen bidez eman dizkidazun datu pertsonalen egiazkotasuna ziurtatu behar didazu, eta baten bat aldatzen bada, jakinarazi behar didazu. Hortaz, garrantzitsua da ematen duzun informazio guztia eguneratua eta egiazkoa dela ziurtatzea, datuak ez badira errealak zu zara arduradun bakarra.

 

Noiz arte?

 

Zure datuak biltzen ditut bi arrazoiengatik: batetik kontsulta eta kontaktuen historiko gisa erabiltzen dut eta bestetik, niregandik zerbait behar duzun aldiro ez duzu zure datu guztiak txertatzen aritu beharrik. Hori horrela, egokia deritzot, aurkakorik esaten ez duzun bitartean, datu horiek beraiekin harremana azkenekoz izan zenuenetik 5 urtez gordetzeari.

 

Politikan aldaketak burutzea

 

Politika hau aldatzeko eskubidea gordetzen dut eman daitezken legedi aldaketetara egokitu eta alderdi komertzialaren eguneraketa optimizatzeko. Aldaketarik burutzen bada, informazioa bidaliko dizut zure onespena izaten jarraitzeko.